【本報訊】天水圍東華三院李東海小學女教師林麗棠疑不堪工作壓力，去年3月6日在校內墮斃，引起社會關注，爆出該校時任校長羅婉儀疑為人專橫及口出惡言。死因庭昨就林的死因展開研訊，胞妹引述死者指校長入職時曾向眾教師明言：「我喺之前間學校學識咗令我唔鍾意嘅老師自動辭職」，事發當日，患有抑鬱症的死者墮樓前發短訊：「我唔想再見到校長個醜陋嘅臉孔」，從此兩姐妹陰陽相隔。有教師形容校長與眾人關係疏離，「大家都比較驚佢」，擔心被她批評。當日得悉有人企跳，先後有教師及校工說「校長不准報警」。
死者林麗棠在李東海小學任職逾20年，關鍵人物羅婉儀則在2014年加入。死者胞妹林麗珠供稱，死者與羅婉儀校長關係「由頭到尾都唔係咁好」。她解釋，羅加入學校時在教職員會議上有關「我喺之前間學校學識咗令我唔鍾意嘅老師自動辭職」的說話，令死者「好緊張」。後來死者籌辦在澳門舉行的聯校活動，遭羅斥責「私自帶學生出境，都唔知博乜」，要求她自動辭職，否則直接辭退她。胞妹憶述：「佢當時好驚，搭緊車都喊得好犀利。」
死者患抑鬱症，病況跟八年前工作有關，緣於一次學生父母報警，自此需定期覆診及向學校提交醫生報告。胞妹稱，當年死者在課上訓斥一位體育代表隊的學生，學生囂張謂：「我係咁㗎啦，你唔like咩？」然後遞出一把剪刀挑釁謂「你唔like咪剪咗佢囉」。死者遂取去剪刀，剪了學生的體育服一下，學生父母事後報警。雖然學生母親了解來龍去脈後向死者致歉，但死者仍因事件患抑鬱，自此沒再教高年級學生。
墮樓前一星期，死者因喉嚨發炎請病假，其間撰寫關於澳門聯校活動事件的報告。胞妹解釋「校長要佢（死者）顯示佢對事件嘅承擔，同埋睇吓內容砌唔砌到炒佢」。死者曾多次修改報告內容，惟羅仍不接納。胞妹繼而指，死者2月28日回校處理公務，其間被羅強行「捉入」校長室討論報告內容三小時。
墮樓前一日，死者獨自往東華三院總部報告事件，獲一位姓周主任接見，當時主任表明跟進，着她先離開。胞妹憶述死者回家後表現：「佢好攰，唔願意講嘢，淨係話『都係咁㗎啦』，話唔會有好大期望，之後就返咗入房。」翌日早上死者趕頭班車先行出門，胞妹與她再沒機會見面。死者其後在家庭WhatsApp群組表示：「我唔想再見到校長個醜陋嘅臉孔。」胞妹見狀馬上回覆「唔好亂嚟」，不斷嘗試致電家姐，之後又致電學校其他老師，但仍未能聯絡到死者。
胞妹憶述至此泣不成聲，死因研訊主任曾多次示意她可先休息，惟她堅持，哽咽續道：「之後校務處有人打電話過嚟，話『妳家姐由高處墮下』，就係咁。」
死因庭昨傳召自小學創校以來任教至今的死者同事林美琴，林透露死者與羅關係一向「唔係太理想」。林解釋「有時羅叫佢（死者）改善圖書館嘅嘢」，但她不記得詳情。
代表死者家屬的大狀問及羅與眾老師關係，林稱「比較疏離，大家都比較驚佢」。大狀追問情況是否「（羅）講咗嘅嘢冇人敢反對」，林表示同意。大狀再問羅處事作風是否一言堂，林解釋羅要求所有程序均要白紙黑字紀錄，死者更曾向她透露因「唔係跟程序做」而要寫悔過書。林稱羅2014年加入學校後，教職員都害怕遭羅批評或指摘工作不符要求。至於羅是否曾威脅教職員辭職，林稱不記得。大狀最後直接問林，羅是否不尊重教職員，林表示「答唔到」。
案件編號：CCDI206/19
