武漢肺炎來襲的2020年，港人經歷一波接一波的疫情，9月疫情稍為緩和，苟延殘喘的飲食及零售業一度展現曙光，欲趁年尾黃金檔期挽回損失。豈料上月底本港爆出第四波疫情，政府再禁晚市堂食，食肆紛紛急撤原本安排的聖誕大餐，各區商場甫入夜即人流急減，有商場要在吉舖擺「空城計」佯裝營業，偽造氣氛。餐飲業界人士指，現時逾2,300間食肆關門，過千間食肆處瀕危邊緣，業界原寄望12月收入可達120億元，惟受禁令影響大減六成半，即約80億元生意額，不但無法吊命自救，更憂慮捱不過明年，聖誕新年的黃金檔期從天堂跌落地獄，「好多（東主）都係按樓借錢頂住㗎咋」。
記者：龔蕙芝 馮智敏 黎敬中 周子惇
晚市堂食禁令再出，食肆、酒吧即時見財化水，連零售業亦遭禍及。本報走訪油尖旺、沙田、中環蘭桂坊等地，商場或街道吉舖湧現，中環蓮香居停業60員工被遣散；金馬倫道連鎖快餐店肯德基、麥當勞相繼結業；加連威老道、北京道黃金地段的地舖及樓上舖貼滿招租廣告；油尖旺酒吧街、食肆商廈一片死寂，只見掛滿「政府冇封關，酒吧被埋單」等控訴標語。
以往一舖難求的太子聯合廣場，共三層商場中竟有46個舖位招租，佔整體商戶近四分之一，「以前係要攝住行，插針都插唔入嗰種，𠵱家真係疏落到有啲驚」。聯合廣場商戶黃小姐慨嘆，12月晚市禁令後氣氛更加淒涼，「冇得出街食飯，就自然唔會行街」，也因沒有慶祝活動，少了人買衫扮靚。
沒有派對的聖誕節，連帶禮品滯銷，「啲公司客往年一次過買四、五萬蚊（抽獎禮物），但今年可能得萬零蚊，普通retail（零售）冇辦法開party（派對），都少咗買禮物囉」。在旺角售賣電子產品的店員Sandy指，預計今年12月比去年同期生意少逾四成，「就算嗰陣時社會運動都好啦，（生意）都冇去到咁差，而且睇唔到政府有啲乜嘢措施可以控制疫情。」
即使看似租賃理想的商場，卻原來是假象，太子始創中心有商戶踢爆，商場業主為營造租賃情況理想，竟自製「空城計」，要求已退租的商戶留下貨物扮作經營。
其中一間時裝店已退租大半年，廚窗仍掛滿衣飾鞋履，店內燈火通明，但一直無人開門，「試過有客人問，究竟呢間舖幾點開？其實根本唔會開。」記者連續兩日在不同時段觀察，該店均沒有開門，店內儲物格已清空，收銀位置也沒有工具，看似無人經營。場內多個商戶反映，多間店舖已捱不住離場，疫情加堂食禁令下，商場人流極少，加上業主不肯減租，難以經營，「話政府有補貼，所以唔會減」。
不少食肆原以為聖誕節可為餐廳生意帶來曙光，經營兩間餐廳、從事飲食業25年的Brian指，上月底已設計聖誕餐單、拍宣傳照，訂枱客足足寫滿兩頁紙，未幾宣佈禁令延長至明年，無奈收回餐單，「唔搞咁多嘢喇，已經唔係聖誕大餐，係聖誕早餐」。經理Kelvin稱改由價格較便宜的午市餐單取代，望客人仍能感受節日氣氛。
「我經歷過沙士、金融風暴，今年係最差嘅一年」，Brian直言武肺疫情衝擊極大，批評防疫政策朝令夕改，「（限聚令）啲人頭一時加一時減，任佢搓波」。光是食材數量已難以預計，加上疫情令進口食材成本大增15%，旗下兩間餐廳每月共蝕70萬元。
蝕到入肉的還有在太子經營西班牙餐廳五年的Alan，同樣要忍痛取消客人預約，除舖租人工開支，更白白浪費一早預訂的食材，「好多海鮮同沙律都嘥晒，惟有夥計食晒佢」。年尾理應是消費旺季，如今預計生意額僅為去年的一至兩成，他直言感到無奈。「銀行積蓄都差唔多冇晒，同事又要出糧、舖租又要畀，好難捱」。Alan眼泛淚光指其餐廳位於酒吧街，明知午市生意不佳仍要開業，只為維持員工生計，「唔好cut晒佢哋（員工）啲鐘」。
毗鄰Alan的西班牙餐廳，是一排沒有開業的酒吧，其中一間酒吧經理Jonathan亦大吐苦水，「年年嘅聖誕都係好熱鬧㗎！」利潤比其他月份多出兩成以上，客人甚至要等候入場，惟第四波疫情爆發，酒吧業首當其衝再被停業，Jonathan指除了失望，亦感心寒，「突然間（酒吧街）就好似變咗死城一樣」。
餐飲聯業協會會長黃家和回憶9月疫情放緩時，業界對年尾檔期感樂觀，預計12月可做到120億元生意，「冬至、聖誕、元旦係特別暢旺，係全年最多生意嘅一個月」。惟如今預計大跌80億元，除了已有2,300多間食肆結業，他指仍有千多間食肆在瀕危邊緣，以按樓、借貸、暫時休業死頂生意，惟現時每日感染人數反覆，業界已失去希望，「最少要捱多半年」。
即使政府再推抗疫基金，黃家和指僅為「夠交租，唔夠出糧」，又對餐飲業屢成防疫措施的開刀對象，感到極無辜，「係（政府）冇控制外地輸入個案。」若政府不改善防疫措施，或聆聽業界意見，擔心明年再多食肆相繼結業。
根據統計處上月公佈數字，食肆總收益在今年第三季按年下跌35.3%，跌幅是有紀錄以來最大，其中以酒吧跌幅最大，其次為中式餐館、非中式餐館、快餐店及雜項飲食場所。零售業今年10月總銷貨值估計為274億元，按年下跌8.8%，各類均有下跌，依次最大跌幅分別為藥妝、珠寶鐘錶及名貴禮物等。
