【本報訊】隨着建制派高調提出整頓社會福利、司法及教育「三座大山」，通識教育課程改革、國教「借屍還魂」，香港教育赤化成為大眾憂慮問題。有中學生團體昨日在銅鑼灣擺設街站，喚起市民對赤化教改的關注。
中一學生阿瑩得知教改內容，坦言「好失望，點解要冇咗通識呢」，認為背後的目的是「唔想令我哋知咁多嘢」。她認為學生擁有自主思想相當重要，「唔可以成日都叫我哋做呢樣做嗰樣囉，即係我要想做咩就可以做咩」。年紀輕輕的她已開始為下一代擔憂，「我都唔想政府咁樣囉，我想下一代都可以開心咁讀書」，又猜測教局下一個整頓目標為歷史科。
她表示，不希望下一代忘記確切發生的歷史：「可能冇咗六四，傷咗死咗嗰啲人好冤枉㗎嘛」，認為歷史能揭示人性醜惡，故相當反對改革歷史及通識等培訓學生自主思考的課程。
就讀職業訓練局的Tree，狠批教改「好垃圾」，直斥「對於啲有用應該畀人知嘅嘢就將佢改到一塌糊塗」，背後的意圖顯然為「洗香港人腦，想下一代嘅人唔知道之前發生嘅嘢」，從而令香港赤化。被問及會否考慮移民，她則表示暫時不會，「（雖然）香港已經唔係香港，好壓迫」，但指「仲未輸哂，仲有好多人都仲努力緊」，若非窮途末路決意不會離開香港。