《全民造星III》由播出到前晚圓滿落幕，都引人注目，亦令《造星》元祖冠軍姜濤人氣升上一級，不過一直甚受女性歡迎的他，出道至今從未有緋聞，被質疑性向。日前他接受《壹週刊》訪問，坦言因愛看男仔表演，曾被母親懷疑是同性戀，不過他直言想嘗試拍同性戀題材的電影，而提到今屆季軍陳毅燊（ANSONBEAN），則大讚他「好厲害」。
前晚《全民造星III》塵埃落定，由折骨舞王趙祥誠（Ben）以黑馬姿態成為冠軍，而大熱門陳葦璇和ANSONBEAN就分別屈居亞軍和季軍。冠軍阿Ben能否踏上成名之路仍未知之數，不過兩年前姜濤就因這個比賽走紅至今，身邊常有一大班fans「姜糖」支持，成為不少少女心目中的王子，然而亦有人留意到，今年21歲的姜濤出道至今從未有緋聞，質疑他的性向。
姜濤初出道時曾自爆是處男，更表示從未正式拍拖，日前他接受訪問指從沒懷疑自己是不是喜歡男生，相反母親曾經誤會，他說：「媽媽曾經懷疑我，因為細個成日睇小豬（羅志祥）嘅表演，即係成日都會睇男仔嘅表演，欣賞男生比較多。」他坦言就算惹誤會，卻不抗拒拍同性戀電影：「喺呢行工作時間越嚟越長，會覺得任何事都應該一試，唔會特別去抗拒任何嘗試，甚至剃光頭都應該嘗試。」
姜濤近兩年廣告接不停，有傳他初出道時出騷價已有六位數，收入甚豐，不過他指因為不懂理財，所有收入都會上繳給媽媽。另外姜濤亦有目標：「置業，一層收租，一層自住，呢個生活係完美，但如果要兩年後達標應該有啲困難。」他亦想把錢用在事業方面，「如果我真係儲到一筆錢，我會先用嚟拍一個好犀利嘅MV，可能係唱跳作品。」
今年遇上疫情，姜濤仍然人氣急升，除了日前飛往台灣拍偶像劇《超感應學園》 ，又推出第三首單曲《愛情簽證申請》。其實姜濤已連續兩年入圍叱咤「我最喜愛男歌手」最後五強，今年更和鄭中基爭大獎，《蒙著嘴說愛你》亦成為「叱咤樂壇我最喜愛的歌曲」五強，不過他十分謙虛：「其實自己一直都冇好大信心，覺得自己仲未夠班，會先做好自己歌曲，想得到大眾認可，下一步先再去諗攞獎嘅問題。」
近日姜濤有作多方面嘗試，包括填詞及創作MV劇本，他更將自己成為偶像後，幻想面對愛情時的困擾故事，以歌詞和劇本表達，推薦合作偶像劇的林思廷（Tammy）擔任MV女主角。「有一次傾偈嘅時候，我話要拍MV，所以就問佢有冇興趣，然後大家就一拍即合，之後我都有請佢食飯。」二人在MV中表現親密，問到Tammy是否他的理想類型，姜濤說：「其實我對於理想對象，唔係淨係注重外表，自己由細到大都不停轉變，所以唔會講定邊一種係我理想類型。」
前晚《全民造星III》落幕，作為元祖冠軍的大師兄姜濤提到最終十強，除了早前在Ig Story點名稱讚的張進翹（Manson），對於被外界形容為監製花姐新寵，只有19歲的ANSONBEAN，姜濤亦大讚：「我都好欣賞佢演出，佢哋全部都好犀利，Manson係自己印象比較深嘅一個，因為佢第一次出場嘅曲風，畀我嘅感覺特別大，ANSONBEAN都係一位好厲害嘅人。」
