金像影后毛舜筠昨晚與鄧麗欣（Stephy）、王菀之、ViuTV製作部副總裁金廣誠擔任《全民造星III》評判，十分重量級。兩位導師林二汶與彭秀慧在比賽前接受訪問，多謝毛舜筠答應做決賽評判：「好開心有毛姐，佢有分享過睇返晒節目，覺得好感動，佢搵晒返佢以前個種熱血。」
二汶表示節目由5月開始casting、7月開始比賽，會有不捨，彭秀慧就表示早上出post分享點滴時有眼濕濕，即被二汶笑：「佢啲眼淚唔使錢㗎！」多位《造星III》參賽者都有娛樂圈經驗，問彭秀慧以後開戲，會否在參賽者中挑選，她公道地說：「唔會喇！要以電影需要為準，喺成個業界搵，但我會記得佢哋。」二汶就直認睇中組員：「的確有諗音樂project可以搵佢哋，第一時間會諗起Alina，佢壓台感好強。」