【本報訊】自武漢肺炎爆發以來，旅遊無望的港人每逢假期都會前往郊外散心。昨日聖誕佳節，西貢人頭湧湧，有孭着大背囊的遊人湧往郊外露營，亦有學生乘船往離島避炎，皆因市區「無咩可以做」。
西貢碼頭昨午聚滿遊人乘街渡到附近小島遊覽，的士站亦出現「蛇餅」，遊人都揹上大背囊和手持保溫箱去露營。雖然限聚令維持二人，惟現場所見，成群結隊者大有人在。附近海鮮餐廳戶外座位，午市近乎滿座，有西餐廳更要排隊入座。
帶同大背囊去兩日一夜露營的梁小姐表示，往年12月都會去旅行，或與大班人開派對慶祝，今年首次在聖誕節去露營，笑言「懶係有旅行氣氛咁」，平日除上班就是在家避疫的她說，「好耐無吸過新鮮空氣」。
大專生胡同學則與數名朋友到西貢碼頭，打算乘船到小島野餐過聖誕，「市區都無咩可以做，乜都封晒，六點後又無堂食，所以不如出去呼吸新鮮空氣」。停止面授課程的日子下，多在家上網聽課的他已「吽咗好耐」，他說在第一波疫潮爆發時曾感擔心，但之後已抱平常心，戲謔「相信政府就『冇事』」。
葉先生則帶同兩名幼子去西貢大枕蓋行山，「相對地少（人），佢哋已經喺屋企好多日，就同佢哋出去行吓，行山比市區相對地安全」，會做足安全和防疫措施。他說，今年聖誕氣氛較平淡是可以理解，晚上也不會特別慶祝，「都係一家人喺屋企食餐飯，會有禮物畀佢哋咁，最緊要一齊開開心心」。
在人氣郊遊景點大棠楓香林及大欖涌水塘千島湖清景台一帶，昨日也擠滿遊人，登上清景台一段山路更驚現人龍。