除了口罩及廚藝用品，電腦零售及網購生意亦在逆市下跑出。電腦公司ZETA科卓負責人指，市民現時長期用Zoom上堂、開會，電腦設備需求升，令營業額急升一至兩倍，連帶電腦保安VPN（虛擬私人網絡）關注度亦提升。主打本土及環保網購平台「瓹窿瓹罅」亦受惠疫情，近日細倉搬大倉，擴大生意版圖。
ZETA科卓主售電腦及相關電子產品，負責人阿Len指，因應疫情下很多打工仔需要留家工作（WFH），造就電腦需求直線上升；據他與其他行家及供應商反饋，行業整體營業額連續數月大升一至兩倍，收入平均每月可達六位數字，「尤其之前大陸啲廠停工，部份電腦零件如顯示卡、電腦主機板缺貨，來貨價升三至四成；加上好多國家都實行在家工作，電腦需求急增，拉高埋售價。Lenovo、HP等品牌電腦，就算肯畀多五成價錢，仍一機難求」。
Len又稱，除電腦外，周邊電腦產品早前供應亦十分緊張。以視像鏡頭為例，往日價格只需200至300元左右，現時已升至600至700元，仍有市有價。電腦熱賣，連帶網絡安全亦受關注，「以前好少人會用VPN，𠵱家十個有三四個都會問埋VPN到底點裝，邊間供應商好等等，好多都憂慮網上監控嚴重」。
WFH令電腦店生意急增，亦帶動宅經濟暢旺。網購平台「瓹窿瓹罅」老闆薛光遠直言，創業11個月，其規模已由300呎與人共享的小貨倉，迅速擴大至約千呎獨立貨倉，「𠵱家每月有幾千訂單，近來疫情爆發嚴重，客人唔想出街購物，每張訂單購買量更增加兩至三倍」。
阿光指，公司入貨標準希望以本土特色品牌為先，如本地製作的發酵茶「大杯茶」、手工啤酒等；其次為環保品牌，如再生油清潔劑。阿光的網購平台拒絕收上架費，改以買斷形式入貨，冀打破香港連鎖大集團壟斷市場的風氣。