疫情持續，不少「無飯」家庭紛紛轉為家中煮食，刺激廚具大賣。「港女煲」Bruno電熱鍋代理Ace Kitchen（一級廚具）產品經理葉錦超表示，數月內生意大增至少兩倍。公司更趁多個商場租金回落約五成，乘勝追擊以短期租約pop-up形式，一年間由兩間擴充至八間實體店，當中不乏多個一線商場如尖沙嘴K11 MUSEA、海運大廈等。
葉錦超表示，目前零售業市道低迷，不少大租戶撤離商場，導致租金下行，正正是公司擴充及開設多間pop-up store的好時機。
資料顯示，截至去年底止，尖沙嘴海港城海運大廈及K11 MUSEA，呎租可分別高達500元及110元。
葉坦言，以往實在難以負擔黃金地段的天價租金，現時舖租大跌五成，才令其考慮增設門市，「𠵱家實質租金我唔方便講，但呢啲金額喺兩三年前，根本冇商場會理我囉」。「以往成個商場都係得一個pop-up位，好大競爭，商場通常會揀啲有潛力又出名嘅長期租客進駐」，惟葉錦超透露，現時有商場業主已開始嘗試尋求突破，例如向IG shop及online shop招手，搞搞新意思，「以前商場唔係金舖，就係藥房同名牌店，個個商場店舖類型都好單一；𠵱家可以吸納多啲好似我哋呢啲唔同店舖，反而令每個商場都有特色」。
能做到快速擴張，亦有竅妙。葉錦超稱最注重的，是店舖是否有保留原有裝修，「唔好睇小啲裝修費，本身帶有基本裝修嘅舖，我再加以設計都只需十萬元左右，仲要個幾月就開到張；但如果租清水舖要重鋪地板、天花，就咁裝修都至少要幾十萬元」，店舖面積大小反而其次。