【歡笑背後】
【本報訊】外出旅遊不成，留港又受限聚令、禁晚市堂食等措施影響，今年聖誕氣氛欠奉，港人惟有留家過節。為了點綴家居，港九兩條售賣聖誕裝飾的「玩具街」因而變得熱鬧，但購物的背後，也許只是歷經不愉快一年後的補償。《蘋果》記者在玩具街遇上的臉孔，是欷歔多於歡笑。
記者：劉詩敏
有玩具街之稱的深水埗福榮街及灣仔太原街玩具精品店林立，與市面聖誕氣氛欠奉的情景相比，瀰漫濃厚節日氣氛。兩條玩具街夾道陳列紅紅綠綠的聖誕裝飾，玩具聖誕老人趕着小鹿馳騁在貨架上，閃爍的彩條在眾店舖門前高掛，其中以具30多間玩具精品店的福榮街尤甚，橫街窄巷穿梭着前來購物的市民，大多滿載而歸。
抱着兩大袋「戰利品」的謝小姐形容福榮街「多人到好似年宵咁」，她說對上一次到訪已是近四年前。今年因要留家過節，謝小姐為增加家中節日氣氛，特意前來添置節日裝飾，原本只打算買字母氣球便了事，結果「忍唔到手」，亦順道為友人選購。
謝小姐往年聖誕均會到外地旅行，因此家中鮮有節日裝飾，惟疫情下「又無得飛」，出街又有限聚令，六點後亦無堂食，「咁無辦法，一係喺屋企慶祝，一係當無咗呢個節日」，她預計及後的新年假期仍會留家慶祝。謝小姐從事體育行業，是自由工作者，已停工逾150天；去年反送中運動更令她一度患情緒病，「每日睇新聞都會喊，覺得好心痛，𠵱家仲有好多手足被拘留、流亡」。
回望過去一年，她相當感慨，「無預想到所有事會發生得咁快，唔覺得𠵱家仲有咩事情係無可能發生」。面對不一樣的聖誕，她認為裝飾家中算是一種彌補心中情緒缺口的方法，「生活都係咁過，搵啲開心畀自己……喺好灰暗入面有返少少色彩」。
蔡小姐與男友鄧先生則到太原街購買飾物，對人山人海場面感意外。兩人往年在家中並無添置裝飾，今年因為限聚令等原因，節日氣氛欠奉，加上疫情下常留在家中，希望能佈置得別致一點，「成年都好唔開心，個個節日都無咩分別」。
蔡小姐與男友鄧先生均任職國泰空中服務員，惟剛拍拖便遇上疫症，鄧先生更成為被裁一員，猶幸仍有對方扶持。問及今年特別難過的事，他並未有先提及被裁員，反指政治環境令他最感傷感，「所有嘢都好唔開心，呢排咁多人離開香港、踢保，相信大家都知咩事……2020年係香港人唔應該擁有嘅一年，希望香港人可以得到我哋想要嘅嘢」。
家家戶戶被迫「宅」在家中過聖誕，福榮街一家精品店的聖誕裝飾幾乎一掃而空，需以新年貨源補上。店員鄧女士表示「完全失晒預算，原本以為疫情會（令銷情）好差」。鄧女士指聖誕飾物中以聖誕樹最搶手，早於聖誕節前兩個星期已售罄，「聖誕年年都應該要開心嘛，今年無得去旅行，同埋有錢都唔知點消費，不如買返啲嘢留喺屋企擺好過」；但聖誕生意即使不錯，整年營業狀況亦只能拉上補下。
客人以飾物作為過去一整年的安慰，對鄧女士而言反而有另一種看法。她笑言自己在職十多年，節日均在工作中度過，「人哋開心我做嘢，係咁㗎啦，日日都望住，其實仲有無心情慶祝呢，厭晒啦，唞下好過」。
