【本報訊】政府昨突然要求沙田乙明邨明恩樓居民，須出示陰性結果檢測證明才可進出大廈，變相「封樓」引致大混亂。有居民為了出門，匆忙下前往臨時檢測站再接受鼻咽拭子測試，卻大失預算，未能趕及上班被迫停工；亦有人曾到私家醫院檢測，但未有接受政府安排檢測被指不符要求，外出受阻。居民鬧爆政府安排混亂，「係你唔封關，就封咗我住層樓！」
陳小姐於政府頒令強制檢測前，已到私家醫院檢查，故沒接受衞生署的檢測，惟昨晨7時許出門上班，被樓下職員攔阻，要求出示17日至21日的檢測結果。由於不符合當局要求，她被安排到臨時檢測站接受鼻咽拭子測試，「我覺得成件事極混亂，從沒提及要封樓要檢驗……佢哋職員唔畀我出入，當我未曾做檢測，要我排隊化驗，唔畀我走，因為要等化驗結果」。她不滿稱，「成件事係你唔封關，就封咗我住層樓！」
她亦對民政事務局長徐英偉所指「清零」抱有懷疑，「其實一直有確診個案，我唔會四圍去，我返工都會接觸到其他人，其他人都會傳染畀我，我住呢幢樓𠵱家就算清零，我外出時都會被傳染，返嚟都一樣有問題，意義究竟喺邊，完全唔明呢個做法！」
曾接受深喉唾液檢測的明恩樓居民梁先生，上周四已交樽，但一直未有收到短訊，直至早上6時許落樓準備返工，才知道不能離開，「惟有休息，安排好混亂，又冇收到檢測結果短訊，𠵱家係登記咗身份證先畀出嚟，仲叫我哋嚟排隊再做檢測，話48小時內有結果」。
昨在臨時檢測站亦發生小混亂，因當局7時許變陣，讓曾做政府深喉唾液檢測的居民登記資料後進出。有早前離開大廈並做過深喉唾液檢測居民，未收到消息可核對衞生署資料，被安排到臨時檢測站輪候接受鼻咽拭子測試，由於現場分成兩條人龍，曾做檢測的人龍，較未做任何強制檢測人龍更長，引起在場人士不滿並質問職員。