盛傳全國人大常委會周六出手DQ大批民主派區議員。有民主派中人直言一切在預計之內，「只差在等佢（北京）幾時郁手」，更有建制派中人對他說，即使DQ完民主派區議員，北京打壓民主派步伐不會停，「北京會繼續做嘢，甚至可能改埋立法會直選選舉規則，總之要令民主派無論點選，立會、區會議席一定少於一半」。但他直言，即使如此也無法改變民主派支持者的取態，「民主派有六成選票事實唔會因為咁而改變」。
該民主派人士指早已從一些「有偈傾」的官員口中收到消息，北京會DQ民主派區議員，「佢哋甚至有人話會DQ三分一民主派區議員，即係過百人」，不少本土派或年輕區議員反應平靜，「由北京DQ民主派立法會議員開始，佢哋已經預咗有呢一日，只差在遲定早郁手」，更有本土派年輕區議員說，最好北京用委任落敗的建制前區議員取代他們，「佢話中國外交部成日講，香港回歸後，香港人先享有前所未有嘅民主，但係用委任取代民選議員，連港英政府都唔敢做，仲點叫享有前所未有嘅民主？」
有政界人士引述一些建制中人指，即使DQ大批民主派區議員、取消區會特首選委甚至超級區議會議席，也不代表對特區選舉改造結束，該建制中人指，仍有不少人將改造建議交北京研究，「有人提出改埋立法會直選選舉規則，令民主派即使再多票，都冇可能拎多過一半直選議席」。但該建制派中人也承認，「無論點改，都改變唔到民主派支持者投票取向，始終化解唔到個矛盾」。
季陶
周一及周五刊出