樂瞳受武肺影響，全年演出近乎零，幸好今年初開設網店賣紅酒，投資六位數字亦已回本，她說：「本來我都有啲演出，不過，身體唔舒服推咗。」
樂瞳去年曾在訪問中提到2018年發現患上子宮內膜異位，有時會痛到嘔，她說：「醫生話暫時可以唔使割，但要小心注意，我受賀爾蒙影響到生理期，成日都唔準，又會唔舒服，呢個病令我學識慢活，盡量唔好令自己有壓力，保持輕鬆心情。今年大家都過咗艱辛嘅一年，相信每個人受疫情影響，心理同生理上都有一定衝擊，大圍情緒唔多唔少都一定有少少抑鬱。」
樂瞳慨嘆演藝圈講際遇，又表示從來最怕開口向監製𢱑撈，「叫人畀個角色我真係好難啟齒，反而我賣酒仲易，我可以帶支酒出嚟，以酒會友，大家交流吓會舒服啲。」