周中兩場挪超，白蘭恩同莫達倫都順利命中，送到聖誕禮物畀大家；挪超已收「咧」，今個周末就返英國，除咗英超、英冠之外，蘇超都開快車。之前講過鴨巴甸主場威力好勁，拆禮物日對聖莊士東一定派蛋，主W同「讓球主客和」嘅「主勝」可以大細注出擊。
鴨巴甸位於蘇格蘭東北部，一般蘇超球隊作客，都要舟車勞頓，變相令鴨軍有更大嘅優勢，上季15次主場贏7場，係蘇超主勝率排第四，今季仍保持強勢，9戰贏6場，勝仗僅次於大超班嘅格拉斯哥流浪，而且球隊作風都好正氣，近2次主場都以2:0贏波，波盤齊贏。對手聖莊士東近況就真係幾頹，聯賽已連輸三場，輸畀格拉斯哥流浪都算情有可原，最樣衰係作客下游分子聖美倫都輸2:3，後防認真問題大，今仗作客都唔睇好。鴨巴甸禮拜六主場出擊，佳節氣氛下，賠率都好有信心，主W世界博彩公司平均值為1.98倍，約讓平/半低水，貪心啲除咗揀主W外，亦可分小注敲吓「讓球主客和」「主勝」，中埋就夠買多份新年禮物。
聯賽榜帶離成條街嘅格流，主場會對喜伯年；格流聯賽連贏11場，入波數字仲好得人驚，開季至今已入53球，但今場對手喜伯年正正係今季兩支令格流失分嘅球隊之一，當時喜伯年主場就和2:2；預期格流會搏命攻，喜伯年又幾入得波，咁嘅環境一定開大啦。
文：Goal進
截稿前馬會尚未開盤，盤口僅供參考，讀者記得留意足智彩網頁。
