熱刺球星孫興民上周靠佢喺上季對般尼嘅70碼千里走單騎，贏得今年嘅普斯卡斯獎，相當威水，仲估唔到佢可以帶動埋自己國家嘅經濟，據南韓一項數據統計，熱刺球星孫興民創造嘅經濟價值竟然高達1.89萬億韓元（約135億港元）咁多，報道估計佢喺歐洲足球市場上嘅身價約1,206億韓元，帶動向歐洲消費品嘅出口為3,054億韓元，從而帶嚟生產效應同附加值效應，分別係6,207億韓元同1,959億韓元。此外，孫興民喺國內市場拍廣告帶來嚟嘅銷售反應良好，約180億韓元，仲創造咗7,279億韓元嘅無形價值，包括激發民族自豪感同激勵青少年等。南韓文化體育觀光部仲表示，孫興民現時仲處於生涯黃金期，帶嚟嘅經濟效益相信有望持續增加咁話。