不少人也認同余潔滢跟年長她四年的家姐余香凝，樣貌相似度十足孖生一樣，Zoe笑言：「係呀，我都同家姐研究過，其實五官分開晒係每樣都唔似，但唔知點解夾埋又會好似，試過出活動時被誤認係家姐。」在旁的同事即回想表示試過有一次跟Zoe出席活動，其間有人問她：「你又話Jennifer冇期嚟唔到，𠵱家又嚟到嘅？」同事惟有即時澄清身邊的是Zoe。
既然跟家姐樣貌如此相似，加上她又比自己早出道，Zoe會否覺得影響自己在圈中發展？她笑說：「又冇，我覺得時間可以睇到自己同家姐性格係好唔同，佢女仔啲，被人叫做女神，我就冇女神形象，啲人話我可愛，而我就男仔頭活潑啲，因為咁我先可以得到《男排女將》呢個角色。」