【本報訊】本港疫情持續，政府日前規定所有海外抵港人士必須入住指定酒店隔離，並禁止所有載客的英國航班抵港，令海外抵港人士數目大減。旅遊界立法會議員姚思榮表示，指定酒店現時入住率平均不足五成，較預期低；又指半年前已建議政府實施指定酒店計劃，批評政府無認真處理，「慢咗成半年」。
姚思榮表示，36間指定酒店現時平均入住率約四成多，情況較預期低，「500蚊（一日）樓下，個啲入住率八至九成，最大問題係500至1,000蚊（一日）個啲，有六成幾房冇人住」。他預料酒店入住率有機會再下跌，最終可能只有三成多，「冇晒英國留學生，同香港疫情爆發都有影響，少咗人嚟香港」。對於指定酒店入住率若不足五成，港府會補貼差額，姚估計大部份指定酒店會向政府申請補貼。
姚透露，從一些渠道知道有酒店開始着手考慮與政府討論退出機制，「暫時未有酒店正式提出，只係叫政府有個準備，唔好臨時臨急先諗」。他批評政府實施指定酒店措施「慢半拍」。他早於半年前向政府提出有關意見，「7月疫情明顯反彈，但政府無認真處理，慢咗成半年」。他又稱指定酒店計劃剛實施，需多觀察兩星期，「睇吓酒店入住率同香港疫情」，才可評估計劃成效。
政府最初預計每日返港人數約1,000人，因此推出1.2萬個酒店房間作檢疫之用。但近日返港人數每日僅數百人，加上英國抵港的載客航班停飛，勢影響入住酒店人數。他又指，「本來農曆新年應該有部份人返香港過節，𠵱家就未知之數，要睇香港係咪控制疫情比較好，咁可能有機會回港避疫」，但相信回港人次仍會下跌多一成多，料政府補貼酒店應比預期多。