逾千間黃店參與「聖誕課金週」，有黃店表明對今年聖誕市道不感樂觀，亦有黃店為了吸客，推出折扣優惠剪頭髮，希望紓緩營經困難的壓力。他們參與是希望為表達支持同路人團結和初心不變，至於會否憂慮遭到打壓則「擔心唔得咁多，惟有見步行步」。
經營10年的iDeal Shop的肥老闆預計，今年聖誕市道會比往年差，「其實大家心情都唔好，邊有心情過聖誕，睇吓啲燈飾都知道﹐商場都唔會好似以往整靚啲燈飾、聖誕樹」。港人亦因疫情而減少慶祝活動，「少咗人開party，冇得交換禮物」。
他決定參與「課金週」是希望展示一班同路人仍團結，至於會否憂日後被秋後算賬？他說：「香港言論自由暫時都仲有少少，我表達返唔同嘅意見，呢一刻覺得尚算可以。但你話驚唔驚？咁會有所保留囉好多嘢。」最重要是表達初心不變，會一直支持年輕人，「秋後算賬就有少少聽天由命，睇吓幾時會搞到，始終是經濟之柱，盡量避得就避」。
另一間黃店Hair Fusion負責人之一Mandy則稱，髮型屋生意受疫情嚴重打擊，生意比往年大跌一半。「剪頭髮唔係必需，唔似去食肆消費，好似第四波爆發，有客人話驚要取消預約」。聖誕節前後向來是髮型屋旺季，但她預料，今年聖誕市道比往年「靜好多」，一來疫潮下人們減少外出，二來減少了聚會與親友見面，因此不會花太多時間理髮。
她感嘆，「往年12月聖誕係旺季，呢個時候舖頭已經坐滿人，但𠵱家都比較靜」。髮型屋更出現經營困難，有分店結業，為了節省開支已削減人手，「可以cut（削減）嘅cost（成本）都會cut，睇吓會唔會有多啲promotion（推廣）、新產品，希望帶到新客人」，在「課金週」期間推出全單八折優惠吸客。
對於早前有黃色經濟圈活動被打壓，她也有憂慮，但「唔擔心得咁多，惟有見步行步，如果意見唔同，惟有做自己覺得啱嘅嘢」。