12月本來是飲食業旺季，但政府月初起收緊防疫措施，恐怕今年聖誕節無法與親友外出共度佳節，料餐廳外賣需求增加。有外賣平台預計聖誕期間生意比平日多兩至三成，並與多間黃店合作製作聯合聖誕到會，「希望唔使集中幫襯一間，透過到會已經可以做到分散支持」。
「將軍澳外賣專線」成員阿一表示，今年聖誕因疫情關係，相信多數人會留家慶祝。專線推出聯合黃店合作的「聖誕到會餐」，份量由8人至20人，價錢由988元至1,988元，「應該係全港首創聯合黃店做聖誕大餐，畀街坊order（訂購），希望唔使集中幫襯一間，透過到會已經有五間舖頭，做到分散支持」。
專線最近亦推出羊腩煲配搭牛肉、蔬菜和生果團購，日內超額接了近60個預購。但他估計，今年整個聖誕市道不樂觀，「經濟真係好差，影響消費意欲，有啲人會覺得不如慳住使，等經濟好啲先對自己好啲，會比較多咗人去煮飯」。
他以第三波疫潮經驗來看，「嗰時（生意）係多100% ，覺得啲人都習慣同個病共存」，因此預計聖誕生意比平日多二至三成。專線為了應付聖誕期間外賣需求大增，亦增加車手和後台工作人手，「會有好多都pre-order（預購），後台平均每日加2至3人，車手一日會預多五成人」。
「將軍澳外賣專線」由今年3月成立，經歷了三波疫潮爆發。為了擴展專線的可能性，阿一說：「會不停諗新策略，提供新鮮感」，包括限時雞煲、羊腩煲團購服務、蔬菜和肉類包裝等；同時設有「你想我今日撐邊間？」予有「選擇困難症」客人，每日會提供三至四間餐廳，「嗰幾間係衡量少外賣同受禁堂食影響，如果個客最後揀又會有優惠畀返佢」。
他認同在疫情嚴峻下反而增加生意，但賺錢其實不多，「好大部份收入畀車手同後台」，其餘大多是回饋社區活動，「啱啱搞完回收膠樽、膠盒、派飯，之後會回收保暖物衣，好多情況都想幫返個社區」。他透露，明年2月將推出手機應用程式App，「到時會改名同設membership」，長遠發展可能會提供跨區服務。他強調，「（專線）唔介意為大家行多一步，因為肺炎（情況）好差，（小店）又會畀業主打壓」，希望大家可透過平台出一分力。