旅發局早前宣佈維港兩岸舉行除夕煙火倒數活動，旅發局噚日公佈今年大除夕嘅「香港除夕倒數」移師網上舉行，等市民透過手機、電腦觀賞跨年倒數直播，不過旅發局搞呢啲網上嘢試過「甩轆」，有網民估今次又會唔會再犯相同錯誤？
旅發局話下周四（31日）晚上11點，會喺官方網站（discoverhongkong.com）開始直播倒數時鐘， facebook 同YouTube亦會喺晚上11時30分開始同步直播，到踏入元旦零時零分，會播出大約2分鐘短片，畫面圍繞維港景色及地標美景，並顯示新一年祝願語句。
不過，舊年旅發局搞全民「倒數大抽獎」，距離活動開始前不足四個鐘，突然更改大抽獎認證程序，將手機收認證短訊改為收電郵，結果令大批參加者嘅驗證碼畀電郵供應商當咗「垃圾郵件」，仲要活動一開始即迅速「冧機」，連網站都入唔到，唔知今次又搞網上直播除夕倒數，有冇吸收之前經驗，唔好搞到又「冧機」呢？
李八方