去年香港過了一個黑色聖誕，不明身份的蒙面人員四出開槍圍捕；今年換來白色聖誕，白色恐怖下普世民憤。不過節日還是要過，有民間組識發起「聖誕課金週」，希望團結同路人在寒冷中過一個「暖笠笠」的黃色聖誕。外賣大餐、12人到會……一年半過去，香港人夢未完。
記者：張文鈴
攝影：謝榮耀 王子俊 王瑋彤
臨近聖誕佳節，雙拾團隊月中起推出「聖誕課金週」，當中分為「扮靚週」、「狂歡週」和「美食週」。活動贊助商「夠薑媒體」項目總監Vivian說，舉辦活動是希望提醒港人繼續支持香港本地良心店，「因為疫情關係，呢一年小店真係好難捱」。
政府本月起收緊防疫措施，限聚令回復至兩人後，生意更加慘淡，且晚上6時後禁堂食，令食肆影響更大，「見到有啲情況係做串燒，淨係做晚市，變咗要研究埋賣晏晝飯盒⋯⋯大家都諗盡辦法做生意，做得幾多得幾多」。
「聖誕課金週」有逾1,100間黃店參加，當中22%食肆、26%零售、22%服務類、30%其他。Vivian說，原先目標是參考11月底同類活動有2,000間黃店參與，但認為今次活動宣傳不足，且相信參與黃店數量與疫情很大關係，「唔講呢個活動，自己都有同其他商戶做活動，都知道疫情期間有唔同小店陸續執笠，既然有商戶執笠，對於參與數量都有影響」。
「夠薑媒體」特別設計六款Postcard，消費者只要光顧四類指定的黃店就有機會儲齊一套，「大家習慣咗去食肆消費，但忽略咗其他行業都需要支持，所以呢個Postcard Game想呼籲大家關注各行各業」。「夠薑媒體」亦提早推出「人鏈利是封」，一套20個，利是封圖案可拼成一幅人鏈圖。
本港經濟受疫情嚴重影響，年尾有公司宣佈裁員，甚至倒閉。港人消費力將較往年下跌，且因疫情嚴峻而減少出街，「畀啲數據參考下，對上次搞『5.1黃金週』有商戶反映生意以倍數增長，對上一次『10.10全民感謝日』營業額就有一至兩成增長」，預計今次活動營業額增長少於兩成，但「幫得幾多得幾多，希望盡做」。
不過，有商戶向她反映更擔心執法者選擇性執法，「總之你（黃店）做生意，（執法者）執法好嚴謹，反而對（其他）唔同色彩嘅舖頭會鬆手啲，（黃店）係揸得咁正嘅情況底下好難做落去」。
上月底有民間舉辦黃色經濟圈活動「傘心市集」，但活動疑遭打壓腰斬。Vivian說：「（課金週）唔排除有呢啲情況發生，但我哋只能夠見步行步，做得幾多得幾多（有冇對策？）暫時未傾到」。傘心市集受到打壓，「接落嚟我哋自己呢邊有唔同市集，但因為限聚令陸陸續續取消，大家對12月、甚至去到新年情況，咁啲市集可能有機會都係取消」，料未來打壓將越來越多。
