雖然在聖誕前夕被指捲入色情陷阱，但劉俊謙與女友蔡思韵心情未受影響，明日便是平安夜，這對小情侶日前貼心挑選了防疫用品，並親手簽寫聖誕卡送給朋友及同事。回顧過去一年，蔡思韵不忘感謝《幻愛》為她帶來的一切，令她演出機會大增，希望明年有更多新作品跟大家見面。Ceci回想兒時寫聖誕卡給朋友，覺得是個儀式，而過往幾年在台灣生活的她，感覺香港過聖誕比台灣氣氛較濃：「寫聖誕卡呢件事，人大咗反而少做咗，不過今年我都有寫幾張寄去畀台灣朋友，手寫卡係有種溫度喺度，感覺都好唔同。」
劉俊謙也憶起自己的一人聖誕：「大概五、六年前，自己一個人去捷克旅行，行去一個聖誕市集，記得當時天氣好冷，攞住杯熱紅酒，望住一啲歐洲古董，係我好難忘嘅聖誕，感覺好好。」提到聖誕禮物，Ceci跟阿謙慶幸未收過「騎呢」禮物，相反見過朋友收的禮物就很搞笑，Ceci說在交換禮物派對見過有人收到一包紙巾，阿謙則說：「見過有位女性朋友，收到一個剃鼻毛機，我問佢有冇用？佢真係有用，而我發現佢啲鼻毛真係少咗。所以有時對於我嚟講可能係可笑，但對於人哋係實用！」今年疫情關係，二人同聲說會在家睇戲過聖誕。