今年8月，12名港人被指潛逃台灣途中遭內地公安拘捕，至今一直被秘密關押逾100日。今個聖誕，12名港人仍身陷囹圄之中，不知歸期何年何月何日。「將軍澳外賣專線」成員阿一說，專線不只是一個外賣平台，「而係都一直帶緊好強訊息畀人，有啲嘢係唔可以忘記」。
專線一個最大心願是為12名港人預備了一個「12人到會」，「一直都預備好，但（12名港人）仲未落到嚟食，呢個set（餐）好想佢哋嚟食到，係我哋最大心願」。至於到會餐單內容，他稱要保持神秘，「希望有一日佢哋可以食到」。
阿一認為，自港區國安法在港實施以來，社會充斥白色恐怖。「有啲擔心會被打壓，所以有請教專業人士點樣冇咁大風險，公司有註冊登記」，他強調專線的運作全部是合法的正常業務，「一個外賣平台，冇眾籌，亦唔收任何人錢」，所使用的電子軟件亦是合法，與合作的車手和餐廳均有合約，「大家消費得嚟可以好安心」。
但他承認，政權若有一天要全面打壓，「我哋做乜都冇用，點做足安全措施都會打壓」，早在他們成立「將軍澳外賣專線」第一日便討論有關問題，結論是「都唔會唔做，始終呢個係我哋初心同堅持原則」。