雷深如（J.Arie）近日推出新歌《陰陽道具》，MV請到強尼和楊詩敏（蝦頭）一同演出，當中兩女跟強尼有不少大膽情慾鏡頭如在床上愛撫、激咀等，J.Arie甚至把玩震蛋。但因情節出位，連YouTube也將MV列為「18+」限制，J.Arie留言怒插：「以為online比較自由啦，MV入面食兩飛煙，就要ban你落廣告，又冇露點又冇nudity（裸體）（除非你見到），咁都要禁？乜網上世界係咁落後同傳統嘅咩？」
J.Arie昨日接受《蘋果》電話訪問時表示：「一set 18+就賣唔到廣告，呢個係我其中一個宣傳途徑，諗住擺多啲資源落廣告。其實有好多外國片都係咁，尺度仲大，我呢個頂籠去到IIB級，未到III級，我𠵱家上訴緊。」
