50歲宣萱一向被譽為「最旺夫女主角」，跟宣萱合作過的男星也拿到視帝，她經歷過多段戀情，可惜仍未覓得真命天子。近日她和老友歐陽震華一起接受訪問，暢所欲言，笑稱張家輝曾叫她到墳場找愛人。
宣萱指以前相士說過她旺夫：「真實就冇，去到呢個年齡真係冇咩所謂，我見到身邊朋友（已婚）開心嘅佔二至三成、唔開心嘅都有七成，令我睇透唔一定要結婚。除非係想生小朋友就要結啦，唔係就只想搵一個伴侶，好似朋友咁，唔係一定要有一個人喺度。你問我𠵱家想要咩，如果有一個人出現就拍吓拖，大家一齊享受生活，去旅行食吓飯，唔係一定要結婚。」而歐陽震華及張家輝都曾為她「物色」對象，宣萱大笑自爆：「嗰時張家輝同我講，你去墳場，我問佢去墳場做咩？張家輝話咁嗰個人老婆死咗，咁個人幾好，又去拜佢老婆，但佢老婆又死咗，咁你就有機會囉。」