歐陽震華（Bobby）和好友宣萱早前接受崔建邦、張秀文訪問，細訴入行多年的經歷，Bobby自爆曾不知不覺間壓力大到生蛇，又重提2013年傳因飲酒出事，死過翻生，更經歷了靈魂離開身體的神奇旅程。
Bobby在訪問中解釋，2013年時拍《情逆三世緣》日夜開工，十分疲累，終於在大年初二放假，就到朋友家食麻辣火鍋，放鬆一下，並食足兩粒鐘，又飲了一些酒，他說：「外界傳我飲酒、飲得多過頭、中酒精毒，都唔係。嗰兩個鐘頭都係不斷咁食，飽都要食，我係下意識吞咗一口落肺（落進氣管），造成肺炎。家人見我成塊面紫晒，就送我去醫院，好多人話靈魂會離開身體，我係睇到自己，後嚟醫生都話你本來天光就已經走咗，但你八、九點又返嚟。佢哋唔係睇我個樣，係睇數據，血壓突然又往上升，就係返緊嚟。醫生話可能我哋係做戲，捱得眼瞓，譬如會叫埋位啦，就會馬上醒，能力係比普通人強。」
身旁的宣萱聽到好友的驚險經歷，即時瞪大眼，相當驚訝，Bobby反過來安慰：「唔使驚，Bobby喺大廳！」不過他坦言這次經歷令其體會甚深：「人得一條命，發生咩事都好，都要珍惜現在，做好啲！我唔係呢件事，唔會知道原來好多事係會變，唔係習慣咗咁就咁，由唔好變好，由好變更好啦！」
另外，2007年Bobby曾經憑劇集《賭場風雲》入圍角逐《第35屆國際艾美獎》的最佳男主角獎項，成為首位香港男藝人獲提名該國際性獎項，他坦言以為好威風，沒想到自己承受不起，壓力大到生蛇，面部非常痛楚，Bobby描述當年飛到美國出席，結果變成痛苦回憶：「48小時只係食咗一碗粥，塊面好似千支針插入嚟咁，個鼻腫到歪晒，行紅地毯當然最想有被人訪問嗰一刻，但我都拒絕唔做，係咪天意嚟㗎呢？真係好痛，冇晒心機，我仲要揀個最暗嘅位食晚飯。」
幸而，Bobby現在已回復健康，並表示更懂得珍惜當下。
