戰友黃耀富講上周日職，就提出煞科戰主場謝幕理論，周二挪超就有六場煞科戰，都揀咗兩場主隊推介畀大家，特別係莫達倫（圖），主場對阿里辛特一定要贏波先有護級機會，呢場波「讓球主客和」要「主勝」。
挪超唔少嘢都大局已定，波杜基林特拎咗冠軍，煞科戰炒維京3:0，成季入足103球，真係堪稱挪超利物浦；2至4位就可以踢下屆歐霸盃外圍賽，莫迪、華拉倫加都已經搞掂，係第四位洛辛堡，最後一戰作客辛迪夫佐特拎多一分就OK。護級方面，阿里辛特肯定包尾降班，尾二另一個即降位，就睇吓莫達倫同史達邊個死。莫達倫少史達3分排15位，兼且得失球差輸蝕，即係今仗主場對阿里辛特，要贏波之餘，仲務求大炒先有希望過到史達。莫達倫話就話護級分子，但近期主場出擊都算唔錯，近5場拎到3勝，對手仲係白蘭恩、史卓加斯特等中游分子，首循環都炒阿里辛特3:1，呢個[-1]穩陣。
另一場白蘭恩主場對奧特足球會就屬於例行公事，奧特之前係愛隊之一，喺佢身上都執唔少，不過今季明顯失色，𠵱家排第七，已經肯定冇得爭歐霸盃資格，而且仲保持作客差嘅慣性。白蘭恩雖然唔算好嘢，不過起碼都叫主場拎到吓分，海外莊家初盤白蘭恩要讓平/半，都算幾深，不過食住主場謝幕效應，足智彩1.8倍W可以一捧。
文：Goal進
截稿前馬會尚未開盤，盤口僅供參考，讀者記得留意足智彩網頁。
篤定包尾的阿里辛特已經連輸四場，累積失10球。