鍾麗緹身在加拿大的22歲大女張敏鈞（Yasmine），近月情緒起伏大，繼上月貼出抱頭痛哭跪地片，前晚又再上載影片，見到充滿怒火的她揮拳及狂掟枕頭，又將頭埋在枕頭上，失控大嗌，有網民留言：「冇事吧？」還有人猜想因為失戀。Yasmine以英文留言：「剛剛在想我人生當中與憤怒的相處，學會要接受這是一種健康的情緒，還記得上次容許自己生氣是甚麼時候嗎？」
《蘋果》昨日向鍾麗緹了解Yasmine是否情緒有問題？她再三否認說：「Yasmine冇事呀，因為佢鍾意搵方法減壓，有啲人攰會食嘢同做運動減壓，佢就鍾意打枕頭，比較特別啲囉，但佢冇事呀！」並否認女兒失戀。
