無綫前藝員37歲陳積榮（Jeff）今年7月患上末期肺癌，醫生指最壞情況只剩半年命。Jeff得到家人及女友支持，並獲有心人籌錢醫病，他早前在YouTube透露已完成電療療程，但每日食標靶藥不能暴曬太陽，故需要穿長袖衫褲出一身汗。精神不俗的他經常到公園赤腳行草地，又去馬灣放空，每日練氣功，更搬到空氣好的梅窩居住，與癌魔作戰。
Jeff昨日回覆《蘋果》說：「算幾好，冇乜話壞咗，但又冇100%好似以前咁，背脊仲有少少痛，但都肥返一、兩磅。」他下月中會作第二次詳細檢查，並打算試做細胞免疫治療：「都幾貴，因為要4、50萬，都考慮咗好耐，但聽講患上鼻咽腺樣囊性癌嘅李明蔚做完第一次效果唔錯，上周去咗抽血做test，可能會試。」