黎燕珊與亞姐冠軍蔡小蝶昨日到觀塘出席音樂分享會記者會，活動由影音使團創世電視主辦，日前一名負責幕後製作的員工確診武漢肺炎，而該員工曾在亞視一號錄影廠錄製分享會，當日黎燕珊擔任嘉賓。昨日記者會開場前，司儀蔡國威表明活動現場擺放了六部消毒霧化機，以保安全。黎燕珊在活動上表示收到通知有同事確診，她表示沒有太擔心：「我知道佢哋好嚴謹，要求全公司檢測，我都做咗好多次，要小心為上，我做過三次檢測，結果都冇事，而我知道嗰位同事都已經康復出院。」
提到今年聖誕，黎燕珊稱不一樣：「之前嘅聖誕，個仔喺英國讀書，今年大家喺香港，個女會帶埋男友，個仔帶埋女友，好熱鬧。連日嚟都好忙，聽日做冬，party全部都喺屋企，好彩屋企人都住喺附近，每年都煮大餐。」另外，黎燕珊對小師妹蔡小蝶相當感興趣，大讚對方靚女，又謂自己女兒沒興趣入行，會將演藝心得傳授給小師妹。