杜汶澤的網台《喱騷》做得有聲有色，他近日將《喱騷》轉為收費模式，宣佈撤出fb及YouTube，網台昨日正式啟用。不過開台前夕，阿澤前晚在fb發文，自爆被ViuTV封殺，直指ViuTV對外放風封殺上過喱騷的藝人，情況儼如無綫。一向不怕被打壓的阿澤更寸爆問ViuTV︰「有冇我個台咁多人睇？」
現年48歲的杜汶澤自2014年雨傘運動後，遭受政治打壓，近年他在港重建演藝基地，兩年前創立網台《喱騷》自製節目，近日再下一城，將網台轉型做收費模式，免受fb及YouTube等平台控制，網站昨午3時準時上架。本來收費網台跟免費電視不是直接的競爭對手，不過阿澤前晚突然在fb自爆，ViuTV突然向藝人私下通告，做ViuTV就不能上《喱騷》節目。
阿澤雖然目前身在台灣拍自家節目《尋找他媽的故事》，但近日頻頻在網上為網台造勢，獲得網友廣泛支持，不過萬事俱備之際，阿澤前晚發文指︰「見到你哋睇《全民造星》睇得咁開心，我都好明，始終人係需要娛樂嘅。唔係想掃大家興，但係好多我哋台嘗試接觸過嘅藝人，都話ViuTV同佢哋講，做ViuTV就唔做得《喱騷》。」《全民造星III》近日掀起熱潮，不時成為網友熱話，未知是否因為怕《喱騷》啟播會搶走網上觀眾，突然出手封殺。
在影圈及電視圈打滾多年的阿澤，對於ViuTV封殺行動直言感到有趣︰「唔知以為講緊TVB……無論係政治立場又好，有利益衝突都好啦，OK！明嘅，始終我哋個台嘅野心都係想多啲同路人有演出機會，既然藝人有出路，咁梗係做啦。」但他也不忘寸爆ViuTV︰「有冇我個台咁多人睇呀？有冇我咁有錢吖？」
阿澤表示人生向來四面受敵，無驚喜亦已習慣，更無懼螳臂當車，亦砥礪一班員工說︰「今日冇你咁大啫，你唔畀我將來有嘅咩，唔緊要，做生意長遠都係靠實力，你做得好，大家一定支持。同事加油！為咗開台嘅事，辛苦晒你哋！」對於阿澤的指控，ViuTV發言人回覆《蘋果》時表示：「謝謝查詢，沒有回應！」被問到假如有人去完《喱騷》再上ViuTV節目，會否有問題時，ViuTV方面沒直接回應，只表示沒補充。
曾與《喱騷》合拍《驚訊》的王喜留言撐阿澤，揞名狠嘲《全民造星III》︰「幾個撈唔起嘅教，五十個撈唔起嘅，點樣撈先撈得起。」留言獲過千人讚好。傅珮嘉就留言主動應徵做歌手，而龍小菌則叫阿澤「發掘新喱」，林子博也祝福阿澤：「你一定會成功的。」
其實過往阿澤跟ViuTV關係不俗，繼早年主持ViuTV《走佬去臺灣》和《Good Night Show全民星戰》第二季後，去年又再主持《走佬去馬拉》，今次突然反目，有人估計可能因為與他太「黃」有關。不過縱觀ViuTV今年的節目及劇集，都起用不少黃色藝人，看來與政治立場沒直接關係，反而阿澤平日口沒遮攔，未知直腸直肚的他是否曾出言得罪ViuTV高層，令自己被封殺。
