2020超難捱，很多人說，我從來都冇咁耐風流，但一下子就有咁折墮，太不公平。
係，地球不是圓的，圓滿結局，仍然在宇宙星塵這位劇作家手中，寫緊。既然還有排等，大家沉着應戰，別忘記，我們承諾過，會代「他們」走下去。咁樣啦：
繼續黃店化，千祈別信藍屍話，幫襯黃圈已經冇用論，每日飲水，天冷加衣，點會冇用呢又。事實證明，藍店fb經常滲混一兩間黃店刻意溝淡，當未來紫殺埋嚟，藍會變黃，自不待言。
見字，課金。揀你課金得起、課金得安樂的人，真金白銀懲罰佢哋，大有大撒，細有細撒，撒幣唔怕遲。
除了送車、旁聽成師，送花師也生成了，就是代拘押中的手足送花給父母女友死黨的專業。你喊苦悶時，喊一陣就好，花時間度吓，有用之身，可以和你（ ）。
收信是超強的心靈支援，由16歲至73歲，同路不孤，蘋果已經有18區小商戶免費廣告，唔爭在整版「和手足做筆友」、「孖住手足寫」、「牢牢信得過」、「解憂收押所」……諸如此類。全民動筆，手足必訂蘋果，一定睇到。