周中重心般尼茅夫勝[-1]，結果只贏得一球，反而冷冷地屈仔和波就中，英冠唔算順，轉一轉地頭，不過仍然留喺英國，推介蘇超。蘇超當然唔會推介格拉斯哥流浪、些路迪咁扒仔，之前都講過，吼住蘇超中上游兵主場出擊，貪佢哋讓得較少，戰績又可靠，周六就推介三哥喜伯年，主場可挫登地聯。
喜伯年雖然排蘇超第三，其實只落後第2位嘅些路迪2分，成績真係唔差。雖然主場贏波唔多，7戰只得10分，不過和過兩大豪門格流同些路迪，隨住之後賽程對手轉弱，主場勝率應該都會提升。周六喜伯年就主場對登地聯，表面睇登地聯就排第五，戰力應該同主隊差唔多，不過論近況登地聯就認真差，已經連輸兩場。睇海外莊家開盤，排名咁接近嘅球隊交手，賠率都幾懸殊，喜伯年主W得1.55倍，要讓到半/一低水，真係開得好狠，不過既然首循環作客都贏到，今次主場一樣有權再贏，以喜伯年聯賽2連勝兼入7粒嘅強勢，大細注主W同「讓球主客和」「主勝」啦。
同日蘇超「雙聖」戰，聖美倫主場對聖莊士東，兩軍近況都係油麻地，贏波把握唔高，睇海外博彩公司平均值，呢場波和只得3.08倍，係今周蘇超最熱嘅和，信操盤手眼光，敲吓呢場和。
文：Goal進
截稿前馬會尚未開盤，盤口僅供參考，讀者記得留意足智彩網頁。
