大結局唔一定上天台BBQ嘅，狠狠地贏番一筆仲開心！呢個星期六，日職同亞冠盃就會大結局，日職最後1輪9場波同時間開波，我就揀四場畀大家投資，繼續用主場謝幕呢個概念，睇吓邊支主隊有力贏波。最有信心係鳥棲砂岩，主場對大分三神；以往大家可能仲記住呢班波之前有費托嘅時代，但其實冇大牌外援，本土球員反而踢得仲好，鳥棲季中開始慢慢上力，幾名本土前鋒都入到波，上場作客都可以贏櫻花，返到屋企對住大分，冇有怕。
第二場FC東京主場對神戶勝利船；兩隊都係踢完亞冠盃返到日本，原本都幾難估，不過FC東京上仗踢番日職即刻贏波，今場對住主力恩尼斯達受咗傷嘅勝利船，三分冇問題；再嚟一場係大阪飛腳主場對清水心跳，飛腳解決咗遠藤保仁問題後，順風順水，差不多場場有貨交，仲落實第二名過終點，贏心跳完美謝幕冇問題；最後一場就有啲分頭，柏雷素爾主場對川崎前鋒，前鋒冠軍已袋，今場就一定唔會出全力，始終仲要踢日皇盃四強，唔使諗啦，柏市都要交代，主W有分頭。
最後到亞冠盃，星期六大結局上演決賽，柏斯波利斯對蔚山現代，之前俾現代玩得透，上仗加時先贏勝利船，體力消耗大，牌面輸蝕畀伊朗隊，話晒對手有半個主場。不過睇住現代亞冠盃一關一關咁過，我會瞓多次身追番之前失去嘅嘢！
文：黃耀富
截稿前馬會尚未開盤，盤口僅供參考，讀者記得留意足智彩網頁。