內地跳舞老師大舉南下，在本港舞界有「師公」之稱的馮彬老師早於20年前已來港教舞，深受闊太歡迎，據稱他教一堂舞45分鐘收費2,000元，更不時有闊太學生為他搞生日派對、船P等，大收紅酒、HERMÈS等名貴禮物。馮彬直認去派對、生日會是很正常的事，他更以滙豐前一姐王以智以1.2億天價學拉丁舞作例子：「佢願意畀有咩辦法？」
馮彬因是首批出戰英國黑池標準舞公開賽的國內老師，自稱曾任國家隊集訓導師，故被譽為舞林高手，近年他已來港定居，在國內開設跳舞學校，但主力仍在港教舞。其社交網站上載客人照片，當中不少是有錢闊太，他謙稱：「以前好多（有錢客人），𠵱家多數教一啲……唔一定好富有嗰啲。」他指，其客人由30多歲至70歲都有，「佢哋都要有啲嗜好，尤其有錢太太，除咗打麻雀、逛街外，仲有咩？最好就係上堂跳舞㗎啦！」
他除教舞外，亦不時出席闊太們為他舉辦的飯局、生日會、船P等，出入五星級酒店、私人會所餐廳，飯後更大收禮物，如名貴香水、法國紅酒、HERMÈS名牌禮物等。與學生出席活動，馮彬也相當識做，在船P遊艇不惜趴地為學生影靚相、與學生拍照也不乏親暱動作。
對於外界傳言不少男老師是「鴨」，他不諱言：「出面啲人醜化咗，每一行業都有害群之馬，但我哋大部份老師都係專業嘅。」他更為闊太們開脫，指不少太太也很注重家庭，「佢哋都係當跳舞係玩㗎啫，總之每星期上幾多堂，之後去STARLIGHT等地方跳茶舞、晚舞，跳完就有私家車接佢哋走！」
對於教舞背後大收禮物，馮彬形容與學生關係亦師亦友，搞聚會是行內常規，「香港有好多生日、party、校慶，好正常啫，生日人哋送禮物好正常㗎啫，多數係利是囉。」他又以當年滙豐前一姐王以智花1.2億天價聘請拉丁舞王舞后學舞為例，「呢位老師同我哋都好熟，1.2億點計呢？係老師兩夫婦同一時間教佢，一日8堂課，上唔上都8堂，加埋出外比賽費用、花紅，佢哋協議係咁嘅！」被問到費用是否誇張，他稱：「一年365日，每日8堂，加埋出外比賽嘅business機位、酒店、老師花紅，計埋落去係咁上下啦！」但被記者多番追問後，他也說：「誇張梗係誇張啦，億億聲，但佢願意畀有咩辦法？」