跳舞群組大爆疫，同時熱爆「阿姨我不想努力了」的一批小鮮肉，到底這批「上流寄生族」是如何煉成的？金儷星舞廳老闆韻姐經營舞廳17年，見盡內地老師如何對太太們表現殷勤，他們除教跳舞外，更為客人挽手袋、夾餸陪食，甚至扶對方去廁所等，有內地老師視之為敬重對方，或大顯「男士風度」，但現實是舞場無真愛。
韻姐不諱言：「場內唔少年輕內地老師，一聽到客人喺樓下，就即刻落樓接佢，幫佢拎手袋，有啲年老客人話，當老師係自己個仔、自己個孫，使少少錢同佢跳舞、食吓飯，搵返自己青春！」
不過韻姐亦見過不少太太墮入陷阱，被老師騙財騙色，她指曾有手持幾層樓的退休富婆借錢給老師，「學費成千成千蚊咁畀，又同其他學生鬥高價錢請老師，賣完一層又一層。」最終退休富婆身家散盡，要拿綜援金過活。也有年逾四十的離婚婦，一廂情願以為與老師跳出真感情，「發生咗關係，使咗錢，結果同老師跳舞仲要畀學費，自己心理過唔到，佢問我，點解老師唔係講感情㗎咩？」
韻姐苦笑說，未見過舞場有真愛，其實不少內地老師在國內有家室，有次她見到一名內地老師轉行做小巴司機，我問老師「既然與學生已發生關係，點解冇感情講？佢竟然答：甚麼感情呀，我們要付出的嘛！」令韻姐愕然，「就係因為咁，我即使經營舞廳多年，都唔識跳舞！」