王祖藍與老婆李亞男昨日在社交網貼出一家四口的相片，宣佈二女已於日前出世。原來昨日是兩人的大女王天韻（Gabrielle）的兩歲生日，相中一家人為Gabrielle慶祝生日，同時亦歡迎細女的來臨，推算細女同是12月出生，三年抱兩認真開心。王祖藍留言：「三個女人一個墟，一個男人戇居居。」不失其搞笑本色。
昨日問李亞男第一眼見到Hayley是否很感動？她笑說：「Hayley同家姐一模一樣樣，見到佢就好似見到啱啱出世嘅家姐咁，唯一有一啲唔同，就係Hayley個鼻好似仲大過家姐，係一個大鼻妹，好感恩佢係一個好漂亮嘅孩子。」問到再生第二胎是否沒有第一胎那麼緊張時，她說：「因為有咗第一次嘅經驗，又因為我係開刀，好多嘢都按照住schedule發生，所以今次就真係冇咁緊張同激動，但當然嗰種開心同奇妙嘅感覺依然係非筆墨所能形容。」王祖藍則感恩細女貌不似他。