正當以梁營為首嘅建制派人士，近日突然蛆蟲式咁圍攻林鄭，炮轟林鄭唔肯推動強制全民檢測下，建制派偏偏就有「一女子」力排眾議，表明點都會力撐林鄭，更炮轟強制全民檢測只係「政棍誤導巿民呃like的口號」，呼籲真正愛國愛黨人士要團結對抗「『倒林』妖風」。佢就係早過已仙遊嘅李偲嫣同屈穎妍出道撐共，被網民稱為「淨心BB」嘅「愛港行動」召集人陳淨心。
雖然同屬建制派陣營，但陳淨心對林鄭忠心程度，令佢對建制中人亦「無面畀」，除咗試過喺fb鬧政府抗疫不力嘅何君堯帶頭違反限聚令聚眾集會，對於近日梁振英同親北京傳媒狂鬧林鄭唔肯推行全民強檢測，陳淨心亦大罵圍攻林鄭嘅建制派人士係「建制政客」，淨係識「日日坐喺冷氣房得把口鬧政府唔封城唔強檢」，狠批：「所謂的全民強制檢測，只是政棍誤導巿民呃like的口號！」
陳淨心究竟為乜咁撐林鄭？佢曾經喺fb解釋：「力撐林鄭是因為我有幸被共產黨洗腦了，對林鄭堅定的支持是因為對黨堅定的信任」，更以自己曾被中國共產黨親自邀請佢出席國宴為例指：「我從未被列入統戰之列，我是親生的」，似強調自己先係真正「根正苗紅」喎！
李八方