本港爆發第四波疫情，矛頭直指歌舞群組，記者找到一名內地老師阿榮，31歲的他是四川人，爆疫前日日在金儷星「打躉」，最終中招，留醫數天後康復出院。來港教舞12年，農村出身的他，小時候去深圳跟隨舅父學舞，19歲時隨他來港「搵食」，新來港時沒人氣，只能在舞廳「等運到」，試過一星期教得一堂，最初收費僅300元，跳足一個下午，「佢哋幾個月女人夾份輪住跳，我扒兩啖飯就要再跳，食唔飽唔夠膽出聲！」日間辛勤工作，夜深人靜思鄉，「好想家，最想返屋企。」講到家人，他隨即哽咽，然後拭淚。
「呢幾年生活好啲，有自己嘅學生，都尊重我哋。」他現時每堂收費500元，日接兩單兩日賺2,000元，但平時向高階老師進修舞技，要花約1,500至1,800元學45分鐘，「我都想跳好啲舞，可以搵更多錢。」
生活雖然變好，但為了養活住在深圳的妻兒及寄錢回鄉予父母起屋，阿榮平日非常節儉，訪問當日，僅穿一件衞衣配牛仔褲，褲袋更有破洞，更露出「銀包印」。為減少開支，來港多年仍與3名老師租住唐樓床位，月租1,500元。
坊間不少老師衣着光鮮，阿榮笑指很多「行頭」都靠「充」，都在羅湖商業城買，「佢打扮靚仔，就好似你睇明星，有啲學生就會搵佢跳舞。」但舞技「冇得扮」，一跳就知龍與鳳，「靚仔跳得唔好冇用，一分錢都唔值。」
現時爆疫，內地老師手停口停，阿榮無奈暫做地盤散工餬口，希望疫情盡過去可以繼續「舞照跳」，「其實我哋好鍾意跳舞。跳到我跳唔郁為止！」
