旺角金雞廣場的金儷星舞廳爆發全港有史以來最大感染群組的歌舞群組，至今錄得達100宗確診個案，成為最多人中招的舞廳。記者直擊金儷星爆疫前的墟冚場面，大批男女在舞池除罩共舞，茶客在旁食飯傾偈，1.5米社交距離蕩然無存。金儷星老闆韻姐承認，10月和11月政府長時間維持4人「限桌令」下，不少酒樓停業，令客人蜂擁光顧金儷星，她憶述當時幾乎日日爆場，「我日日提心吊膽，但我為咗自救，冇辦法都要接！」
在爆疫前，金儷星不論早舞、茶舞或晚舞也客似雲來，至少20多對男女伴隨音樂，一起擠在舞池旋轉起舞，舞者中以上了年紀的太太為主，男士腳踏皮鞋，攬着女伴腰枝，昂首向天激盪共舞，部份更除下口罩，因舞步大，故每對舞者不易做到1.5米社交距離。
包圍舞池的是一張張飯桌，客人跳得累，便返回座位食飯飲茶，有舞者更會穿梭多枱飯桌，與老朋友寒暄，現場配合歌星演唱、樂隊表演，猶如一個大型派對，場面墟冚。場內還聚集不少內地老師在教舞，他們清一色穿上傳統黑白色襯衫西褲，表現得最投入。
金儷星老闆韻姐表示，10月疫情一度緩和，市面開始回復，但政府仍維持食肆4人「限桌令」，除10月30至11月15日一度放寬至6人外，其餘時間仍是4人一枱，令不少兼營舞場的酒樓為節省成本寧願停業，「佢哋唔敢開，人流一下子就堆晒過嚟。」
「當時我日日提心吊膽，太多人喇，啲人都話，你真係金雞獨立喇！」韻姐指當時每天人流過百，應接不下，「日日爆場，啲人都叫我唔好再開枱喇！」
至11月下旬，歌舞群組終於大爆發，其3名員工先後中招，當中一名女公關在11月18日因與多名內地老師跳舞後，中招不適。
記者事後接觸多名內地跳舞老師，發現金儷星是內地老師「獵客」聚腳地，即使疫情下，仍有不少老師在場打躉，以求客人賞識聘用教舞。有內地老師透露，因旺角金儷星價格較平、場地夠大及交通方便，故成為他們搵食的地方，尤其是初出茅廬的老師，「佢哋一到香港，就會去金儷星跳舞，希望客人睇到佢哋嘅舞技，請佢哋教跳舞。」
韻姐也承認，場內一半收入來自內地老師，「我哋冇老師就冇客人，我哋都係靠佢哋。」她指2003年自由行帶動下，內地老師開始進軍香港，「佢哋跳得、教得，有啲仲喺跳舞學校出嚟，唔少鍾意跳舞嘅香港客聘請佢哋。」
對於至今群組輻射式蔓延，韻姐無可避免，「我哋喺疫情一直以來都冇事，只係咁啱呢個群組爆發，現時惟有做好消毒清潔，希望疫情盡快過去，讓我哋繼續經營下去。」