【讀者關懷】
【本報訊】天文台昨早錄得入冬以來最低氣溫13.4℃，早上與黎相識多年的支聯會主席李卓人及民主黨前主席李永達到荔枝角收押所探望黎智英，二人離開時指黎在低溫下亦睡得安穩「出奇地平靜」，並轉述黎智英的話，指他由30年前創辦《壹週刊》已決定行這條路，並一直堅持信念，不會放棄，他們又指今次黎被捕被控還柙獄中，證明「你夠膽做到你30年前諗過嗰個信念，呢個就係你過到你考驗嘅時間，佢就做到了。」
73歲的壹傳媒創辦人黎智英先被指違反工業邨用地租賃條款，本月3日被控欺詐還柙候訊，至上周再被控勾結外國或境外勢力危害國家安全罪，提堂後不准保釋，黎智英第14日還柙在荔枝角收押所。昨晨8時許，李卓人和李永達抵達荔枝角收押所，約10時二人離開。昨日錄得最低溫僅得13.4℃，李卓人指「佢話被就好夠，覺得無問題，瞓到覺；除了第一晚瞓唔到之外，晚晚都瞓到，睇到佢平靜，淨係一晚有兩次閂閘開閘醒一醒啫。」他續稱：「一個人喺咁嘅處境，可以瞓到覺，佢好接受亦都好堅持，唔會被呢個處境打敗，或者係覺得灰心喪志，對香港人嚟講，睇到大家嘅信念好緊要。」
李卓人指會面時間15分鐘內，黎有說有笑，指他表現平靜，並引述黎指，30年前創辦《壹週刊》，已決定行這條路，會一直堅持下去，不會放棄，「佢𠵱家平靜、安心接受自己未來，一定會堅持，繼續去奮鬥，繼續走呢條路。」李卓人認為這是一個很清楚的訊息，讓全香港人知道，作為一個傳媒負責人，他釋懷地去接受現在的處境。
李永達強調這個堅持殊不簡單，形容現時是最大考驗，「以前辦報，殖民地年代、特區政府初期，都冇乜搞黎智英、冇乜搞《蘋果日報》、《壹週刊》。Jimmy（黎智英）如果過到呢關，相信全世界、香港人，世界上啲人，都信嗰種堅持，嗰種conviction（堅定的信念）。你講係好容易，呢個世界，個試、個考驗、個test呀，真係嚟到你面前，你夠膽做到你30年前諗過嗰個信念，呢個就係你過到你考驗嘅時間，佢就做到了。」
李永達指黎的適應力比他預計的強，「佢唔單止適應到，佢能夠好喜悅咁樣生活。主要係因為佢信仰方面，佢係覺得，佢有一種捱苦嘅精神，有一種歡愉嘅心情」。李卓人補充：「用佢（黎智英）嘅字眼『出奇地平靜』」，令他們非常敬佩。
近日曾探望黎智英的公民黨創黨黨魁余若薇憶述，留意到黎的精神及狀態非常好，心態十分積極：「佢（黎智英）嘅心情同EQ都非常好，佢話其實佢喺入面好忙，唔單止可以讀書、寫嘢，好多以前因為好忙做唔到嘅嘢，𠵱家反而可以喺獄中靜落嚟做」，坦言：「其實（政府）鎖住你個人，唔係等於鎖住你個靈魂、你個心，或者你個精神.......能夠從容咁面對係好緊要」