第一組別師傅牌僧多粥少，有「黃的」司機疫市下決定報考，希望多一門出路之餘，建立黃色師傅圈。38歲現職的士司機細傑月初已向運輸署遞交申請表格，報考第一組別私人師傅牌，為轉行作準備。自去年反送中運動後，他加入了「和你的」黃色的士圈平台，服務志同道合的客人。他的車廂內，低調地放了有連豬、連狗和Pepe蛙等抗爭吉祥物插畫卡片，亦有一袋印有「香港/加油」的黃色頭盔鎖匙扣送給客人。
細傑十六年前考獲車牌，最初從事運輸業，駕駛5.5噸貨車，「試過連踩20個鐘，又試過兩晚冇瞓，真係好辛苦」。後來見的士司機工時較短，收入亦較好，便去考的士牌，斷斷續續駕的士十年。但好景不常，今年初武漢肺炎疫情重創生意，即使清晨4時開工，搏殺至晚上7時，扣除車租和氣錢，有時只得百多元收入，第四波疫潮爆發以來市道更形冷清。
他認為所謂黃色經濟圈不只在的士業，亦應擴展至教車業，他發覺身邊有不少人想找「黃師傅」學車，但求學無門，「如果我自己（教車）就會打正旗號，有乜好怕？要排斥就點都排斥㗎啦。」他不滿現時學車價錢偏貴，教學質素參差，希望將自己的駕駛經驗授予同路人，「起碼大家諗嘅嘢一樣，一路教個氣氛會開心啲，第一次學車實緊張，如果服務返手足、同路人，有咩唔明可以慢慢教。」
他相信本港學車市場需求龐大，身邊十個有九個朋友都想考師傅牌，因為擔心將來失業也可教車，另一主因就是收入較的士司機高，工時亦較短，「我識有個朋友做開喃嘸師傅都唔做，去教車，你話幾好搵，我聽聞有啲唔勤力嘅都搵五、六萬一個月，一日教兩、三個學生已經夠。」