趣趣地：中超收緊薪酬限制難留外援

中超近年多咗好多星級外援加盟，好似上海上港就有侯克同奧斯卡杜斯山度士，但係呢啲現象可能好快會絕迹。中國足協星期一公佈咗幾項新政策，當中包括收緊本土同外援球員嘅薪酬限制，換言之部份星級外援可能要減薪或離隊。另外足協亦都落實要限制各支球隊個名都唔可以有商業品牌名，而且總長度唔可以超過四個漢字，唔可以使用非中文字，並且一定要係行政區域加球會名稱。