武漢肺炎第四波疫情嚴峻，至今仍未受控，不少人皆批評港府防疫工作失敗，連帶1975年港姐冠軍張瑪莉前日也忍無可忍於fb開直播，斥政府後知後覺，她表示食早餐看報紙時有感而發：「張張都鬧緊，睇到政府話22日先開始做酒店隔離，我唔係鍾意鬧人嘅人，但真係有少少豈有此理，其實真係好多國家已經實行，我哋啲官仲話慢慢去研究，仲使研究？已經有咁多成功例子，人哋個個地方都做晒喇，我哋啲漏洞簡直多到離晒大譜！」
張瑪莉炮轟上月底已有人提出過封關，但港府卻拒聽民意，她坦言香港防疫措施根本無效，因此對農曆新年的疫情也不樂觀，又狠批跳舞群組令疫情急速擴散：「700幾人喺唱歌跳舞群組入面，其實喺網上嘅相都睇到，個個唔戴口罩，又超過限聚令人數，點解唔檢控佢哋？我真係唔明。其實唔係只依賴警察執法，其他紀律部隊或食環署人員都可以幫手，檢控有一定作用，應該唔止罰錢，要有啲懲教作用，老實講好多人都唔志在錢，以為罰一罰錢就冇事，但係𠵱家唔係錢嘅問題，係關乎人命問題。」
此外，上月張瑪莉曾為影音使團於「福音盛匯晚會2020」做佈道分享會，昨日傳出影音使團的「創世電視」中一位在直播室負責內勤直播系統的工作人員於上周五（11日）確診武肺，他們指染病人員接受治療後現已康復中，他們亦已即時停工並在廠房及辦公室進行消毒，又通知其他人員進行測試，結果均為陰性，創世電視昨日如常展開「蒸糕包不一樣聖誕online音樂分享會」錄影工作。
