黃鳳琼於演藝學院畢業，跟李婉華及劉雅麗是同班同學，1988年參加無綫《銀河接力大賽》入行，拍過劇集逾百部，包括《歲月風雲》、《巾幗梟雄》及《怒火街頭》等，她演劇集《大時代》丁蟹的走佬老婆及周星馳電影《九品芝麻官》中跟表哥常威（鄒兆龍飾）有姦情的婉君表妹，都令觀眾留下印象。
黃鳳琼多演師奶和北姑，她說不抗拒演妓女角色，但卻難忍與花旦爭仔：「都唔抗拒（做北姑），但係就……一份工囉，但最尷尬係當年我已經係師奶，要做北姑同陳敏之爭仔（《怒火街頭》），呢啲小角色只係PA通知你，你會覺得：『點做呢？我唔知喎？』惟有將自己醜化，再北姑啲，我記得開頭監製睇咗（部份已拍攝片段）仲話『唔係咁㗎！』，我返去化妝特登化到好紅嘅胭脂，我點同陳敏之爭？佢又靚女又後生，我惟有將角色設定為一個好平嘅北姑。」
對於近年無綫要藝人轉簽一年六騷或一年一騷合約，迫使劉江、雪妮等資深演員離開，黃鳳琼指：「佢哋貴吖嘛！同埋公司今年蝕好多，我當年人工好唔啱呢個市場價格，可能平過做保安。」