【本報訊】黃大仙東頭邨貴東樓爆疫，部份居民要緊急撤離。接連有住戶確診，邨內居民人心徨徨，但有住客指不會搬走。邨內人流明顯減少，超級市場及食肆亦生意淡靜，但未見有居民搶購日用品。有食肆經理指，街坊不敢外出用膳，加上晚市禁堂食雙重打擊，令生意大跌六成，東主考慮停業止血。
住在貴東樓高層10室的吳太表示，對所住大廈爆疫感擔心，故昨日已自行檢測。被問及會否打算暫時搬走，她認為，即使搬離，仍不代表安全，「出面我都唔覺得安全，搬得去邊？搬去人哋度，但嗰度又爆發，咁你會點？冇得走㗎」。她相信，貴東樓居民都不願搬離，自己亦不會離開，「始終都係屋企好」，但會配合衞生防護中心檢疫安排。
東頭邨共有約20座大廈，貴東樓位於邨內邊陲位置，並非住戶必經之路。惟該大廈接連爆疫，令邨內人心徨徨，人流大減，不少居民足不出戶避疫。政府昨午宣佈，部份貴東樓2315室以上單位居民需撤離，邨內唯一超市昨未見搶購人潮。
居民王先生住所與爆疫大廈有一定距離，不太擔心受感染，他稱會加強清潔，而管理公司及房署均沒就邨內爆疫作特別通知，對疫情持續失控，他無奈稱，「擔心實有嘅，但可以點？都冇辦法！」住戶梁先生則已長期準備充足清潔用品，經常消毒，他稱不會搬到別處暫住，會減少外出，「都冇其他地方住！買完嘢會嗱嗱聲返去，成個人消毒先入屋」。
邨內酒家經理莫先生大嘆邨內爆疫後，整個屋邨水盡鵝飛，街坊不敢外出用膳，加上現時晚上六時後不准堂食，生意大跌六成，坦言「老細都諗住暫停先唔開住」，若疫情加劇，酒樓或需停業，「飲食業係高危，我哋打工都危險，等老闆決定」。