今個周中繼續推介英冠，之前提過有力爭升班球隊，般尼茅夫一定係其中一隊，最難得佢哋保留英超降班時嘅主攻風格，屬於英冠入球王，周二繼續主場鬥尾二嘅韋甘比，唔難大炒對手，「讓球主客和」要「主勝」。
般茅上周六主場就大數哈特斯菲爾德5:0，以34分排次席，只落後諾域治三分，一場波勝負已足夠升上榜首。擁有蘇蘭基（圖）、丹祖馬、森蘇列治等炮手嘅般茅，今季英冠已累積入34球，係英冠攻力最強球隊，近4場主場都入2球或以上，真係入波嘅保證。般茅上場先主場出擊，周中快車又留番喺自己屋企，真係舒服好多，海外博彩公司開到般茅主W只得1.29倍，要讓到球半中水，反映莊家信心十足，就算「讓球主客和」抽水率高啲，都一樣要「主勝」。
韋甘比得11分排尾2，對上次贏波已經數到11月頭，近八場未贏過，雖然防守力都唔差，今季只有1場波失波多過3球或以上，對上3次輸波都淨係輸1球，不過上周先主場輸畀同級對手高雲地利1:2，幾日後就要作客硬撼強隊，之後嗰場又主場對同級對手昆士柏流浪，流浪嗰場先似搶分大好機會，今仗可能採放棄態度，大敗一啲都唔出奇。
同日英冠都有場唔錯戲碼，由屈福特主場對賓福特，雙特近況都唔錯，屈仔兩連勝，賓仔更加11場不敗，海外莊家開出平手，就知五五波，「主客和」就不妨單買D。
文：Goal進
截稿前馬會尚未開盤，盤口僅供參考，讀者記得留意足智彩網頁。