【本報訊】政府擬將馬鞍山郊野公園邊陲的多幅綠化地改劃作其他用途，當中馬鞍山村更面臨滅村之虞，引起居民不滿，批評規劃發展嚴重破壞自然生態及歷史建築，又斥政府沒諮詢居民，漠視民意。一眾居民昨自發在馬鞍山擺設十多個街站，收集巿民聯署反對規劃的簽名，獲得不少行山客支持。
自小居於馬鞍山村的Peter，從社交媒體得知政府有意發展馬鞍山村及樟木頭一帶後表明反對，「一來好影響郊外環境，同埋假日已經有咁多車出入，如果真係起咗房屋嘅話，會更多車流囉，對我哋呢度嘅交通負擔非常之大。」對於有珍貴歷史價值的礦場或因發展而受破壞，Peter亦感惋惜， 「佢都係想搵個機會剷咗佢（馬鞍山村），做啲有用嘅嘢或賺錢」，斥政府對文化保育不上心。
每日均到附近行山的林太一直為村民打氣，笑言馬鞍山「自己都有份」，指「我日日都行呢度，咁我咪有份」。對於政府有意滅村，她坦言相當心痛，「啲礦工百幾年（歷史）」，同時指「（發展後）咁多塵埃又冇路行，最好就保持原狀」。第一次上馬鞍山的陳小姐直言反對計劃，「香港郊野地方已經唔多，如果摧毀多一個嘅話，即係會越嚟越少。」她表示回家後會與小朋友講解，「唔好為咗發展一啲嘢而去摧毀咗一啲嘢」。
沙田區議員鍾禮謙昨亦特意到街站，向巿民講解政府發展馬鞍山村及樟木頭的計劃，收集巿民簽署。擺街站期間，一位中年女士上前與鍾及村民理論，質疑村民正在享用前人發展成果，卻阻止政府繼續開發土地，責罵村民後離開。