現年31歲的蔣家旻最近被指主動認識富三代仁濟醫院總理鍾培生，早前鍾培生包場請睇電影《鬼滅之刃劇場版 無限列車篇》，蔣家旻全程黐到實，儼如女主人。蔣家旻昨日出席新劇拜神儀式時，她澄清表示：「睇電影係佢安排座位，唔係我主動要求，經理人都有同我一齊去，只係工作上嘅聯繫。」蔣家旻強調自己只是對方其中一個藝人朋友。
同場的謝可逸早前被踢爆背住歌手女友謝文欣，暗撻兩度離婚的醫美集團CEO方潔盈，更傳出兩人將奉子成婚。他坦言見肚是開心事，但問到會否結婚，他則說：「我都仲諗緊，始終個BB都……都仲未有，我會好好諗清楚你頭先提醒我嘅嘢，哈哈！我會繼續做好自己。」