意大利法院喺禮拜四宣佈，駁回羅賓奴輪姦罪成嘅上訴，維持對佢判監九年嘅刑罰，但呢位曾效力曼城嘅巴西球星已講明會再上訴。已經36歲嘅羅賓奴被指喺2013年踢AC米蘭嗰陣，同5個巴西鄉里喺米蘭1間夜店，灌醉1位當時只得22歲嘅阿爾巴尼亞女仔，之後仲夾手夾腳輪姦對方。佢2017年喺缺席審訊嘅情況下，俾意大利法庭裁定罪成判監九年，羅賓奴提出上訴，但法庭搞完一輪都係維持原判。不過佢仲有一次上訴機會，亦表明唔會就咁退縮。羅賓奴今年10月曾同母會山度士簽約，但由於有贊助商不滿佢有呢單官司在身，所以山度士轉頭就宣佈擱置同佢簽約，但按照巴西法例，羅賓奴並唔會俾人引渡返意大利服刑。