晨早6點去跑山嘅Aka，話自己每晚都凌晨4、5點至瞓，所以係時候調整一下生理時鐘，於是下定決心早起，仲問有冇人join。雖然佢話自己口腫眼腫，但小蠻腰好養眼。
糖妹（左）同王敏奕喺太空艙大擺甫士影相，鬼馬嘅糖妹不但嘟晒嘴，更搞鬼地碌入艙，搞到王敏奕哈哈大笑，事後糖妹留言︰「話你瘋話我癡」，連網友都讚好正。
赤裸上身嘅黃祥興舉高囝囝合照︰「囝囝已經10個月大，第一次過聖誕，囝囝反應很快，你無知嘅笑容，係一種純真嘅歡樂。」佢話囝囝笑容令自己靈魂亦潔淨咗，係無價寶。
新婚嘅余香凝同老公陸政渡喺社交網貼人造飄雪相放閃︰「之前講好今年年尾去睇雪，因為疫情冇得去，竟然，喺香港都睇到雪！其實只要同愛嘅人一齊，無論去邊，點樣過，都好開心浪漫。」
